நீங்கள் தேடியது "யோகி ஆதித்யநாத்"

லக்னோ:

உத்தர பிரதேச மாநிலத்தில் உள்ள 9 தொகுதிகளுக்கு இடைத்தேர்தல் நடைபெற்றது. தேர்தலில் பதிவான வாக்குகள் எண்ணப்பட்டன.

இதில் காசியாபாத், கெய்ர், புல்பூர், மஜவான், குண்டர்கி, கதேஹரி, ஆகிய 7 தொகுதிகளில் வெற்றி பெற்றுள்ளது. பா.ஜ.க. கூட்டணியில் உள்ள ஆர்.எல்.டி. கட்சி மீராபூர் தொகுதியில் வெற்றி பெற்றது. சமாஜ்வாடி கட்சி 2 தொகுதிகளைக் கைப்பற்றியது.

இந்நிலையில், உபி இடைத்தேர்தல் வெற்றி குறித்து முதல் மந்திரி யோகி ஆதித்யநாத் கூறியதாவது:

உத்தர பிரதேசத்தில் நடந்த இடைத்தேர்தலில் பிரதமர் நரேந்திர மோடியின் தலைமையால் வெற்றி கிடைத்துள்ளது.

பிரதமர் மோடியின் கொள்கைகள் மீது மக்கள் தங்கள் நம்பிக்கையை வெளிப்படுத்தியுள்ளனர்.

வெற்றி பெற்ற வேட்பாளர்களுக்கு வாழ்த்துகள். நாட்டு மக்கள் பிரதமர் மோடி மீது அசைக்க முடியாத நம்பிக்கை வைத்துள்ளனர் என புகழாரம் சூட்டியுள்ளார்.

மகாராஷ்டிர மாநிலத்தில் உள்ள 288 சட்டமன்றத் தொகுதிகளுக்கான தேர்தல் வரும் நவம்பர் 20 ஆம் தேதி நடைபெற உள்ளது. ஆளும் பாஜக [ மகாயுதி] கூட்டணிக்கும் காங்கிரசின் மகா விகாஸ் அகாதி இந்தியா கூட்டணிக்கும் கடும் போட்டி நிலவுகிறது. இரு தரப்பு தேசிய தலைவர்களும் மகாராஷ்டிராவில் முகாமிட்டு தீவிர பிரசாரம் செய்து வருகின்றனர். அந்த வகையில் பாஜக கூட்டணிக்கான வாக்கு சேகரிப்பில் ஈடுபட்ட உ.பி. முதல்வர் யோகி ஆதித்யநாத் காங்கிரஸ் தலைவர் மல்லிகார்ஜுன கார்கே குறித்து விமர்சித்துள்ளார்.

[இந்துக்கள்] சேர்த்திருந்தால் பாதுகாப்பு , தனித்தனியாக இருந்தால் வெட்டப்படுவார்கள் என்ற பதேங்கே தோ கதேங்கே என்ற கோஷத்தை எழுப்புபவர் ஒரு உண்மையான யோகியாக இருக்க முடியாது, நீங்கள் யோகியாக விரும்பினால் 'கெருவா' அணிந்து அரசியலில் இருந்து விலகி இருங்கள் என்று கார்கே ஆதித்யநாத்தை விமர்சித்திருந்தார்.

இந்நிலையில் மகாராஷ்டிராவில் அச்சல்பூர் [Achalpur] பகுதியில் பிரசாரம் செய்த அவர், நான் ஒரு யோகி, என்னைப் பொறுத்தவரை, தேசம் முதன்மையானது. ஆனால், மல்லிகார்ஜுன் கார்கேவுக்கு சமாதான அரசியலே முதன்மையானது. கார்கே ஜி என் மீது கோபப்படாதீர்கள், நீங்கள் கோபப்பட வேண்டும் என்றாலே ஐதராபாத் நிஜாம் மீது கோபப்படுங்கள்.

ஐதராபாத் நிஜாமின் ரசாக்கர்கள் படை உங்கள் கிராமத்தை எரித்தார்கள், இந்துக்களை கொன்றார்கள். உங்கள் மதிப்பிற்குரிய தாய், சகோதரி மற்றும் குடும்ப உறுப்பினர்களை எரித்தார்கள். இந்த உண்மையை நாட்டு மக்களிடம் சொல்லுங்கள் என்று பேசினார்.மேலும் இஸ்லாமியர்கள் வாக்குகளைப் பெற முடியாது என்பதற்காக கார்கே இந்த உண்மையை ஏற்க மறுக்கிறார் என்றும் யோகி தெரிவித்தார்.

 முன்னதாக சுதந்திரத்திற்குப் பிறகு நிஜாம் ஆட்சி நடந்து வந்த ஐதராபாத் இந்தியாவுடன்  இணைய மறுத்தது. அப்போது இந்திய ராணுவத்துக்கும் நிஜாமின் ரசாகர்கள் படைக்கும் இடையே மோதல் நடந்தது. கார்கே தற்போது கர்நாடகாவில் கார்கேவின் சொந்த கிராமம் இருக்கும் பிடார் பகுதி அந்த சமயம் ஐதராபாத் நிஜாம் ஆளுகையின் கீழ் இருந்தது குறிப்பிடத்தக்கது.

உத்தர பிரதேச முதல்வர் யோகி ஆதித்யநாத் மகாராஷ்டிரா மாநிலத்தின் ஹஸ்டிங்ஸில் நடைபெற்ற தேர்தல் பரப்புரையில் கலந்து கொண்டார். நவம்பர் 20 ஆம் தேதி நடைபெற உள்ள சட்டமன்ற தேர்தலை ஒட்டி பிரசாரத்தில் ஈடுபட்ட ஆதித்யநாத், எதிர்க்கட்சியான மகா விகாஸ் அகாடி- மகாராஷ்டிராவை "லவ் ஜிகாத் மற்றும் லேண்ட் ஜிஹாத் தளமாக" மாற்றுவதாக குற்றம் சாட்டினார்.

தொடர்ந்து பேசிய அவர், "நீங்கள் பிரிந்ததால், இந்த நாடு பிளவுபட்டது, இந்துக்கள் பிரிந்ததால் கொல்லப்பட்டார்கள். அதனால்தான் நான் உங்களுக்குச் சொல்கிறேன், பிரிந்துவிடாதீர்கள். நாங்கள் பிளவுபட்டோம், அதனால்தான் நாங்கள் கஷ்டப்பட்டோம்."

"அயோத்தி பிரச்சினையை தீர்க்க காங்கிரஸ் ஒருபோதும் விரும்பவில்லை. அது இறுதியாக 2019 இல் மோடியின் தலைமையில் தான் தீர்க்கப்பட்டது. பாராளுமன்ற தேர்தலில் அமராவதியில் தவறு செய்யாதீர்கள், மீண்டும் பிரிந்தால், விநாயகப் பெருமானுக்கு பூஜை போடப்பட்டு, லவ், லேண்ட் ஜிகாத் என்ற பெயரில், இங்குள்ள நிலங்கள் கைப்பற்றப்படும்."

"மகளின் பாதுகாப்பிற்கு ஆபத்தை விளைவிப்பவர்கள், ஏழைகள் மற்றும் அரசாங்கத்திற்கு சொந்தமான நிலத்தை கைப்பற்றத் துணிந்தவர்களின் டிக்கெட்டை எமராஜா ரத்து செய்திடுவார்," என்று தெரிவித்தார்.

 ஜார்கண்ட் தேர்தல்  

81 சட்டமன்றத் தொகுதிகள் கொண்ட ஜார்கண்ட் மாநிலத்தில் நவம்பர் 13 மற்றும் நவம்பர் 20 ஆகிய தேதிகளில் இரண்டு கட்டங்களாக வாக்குப்பதிவு நடக்கிறது. நாளை முதற்கட்ட வாக்குப்பதிவு நடைபெறவுள்ள நிலையில் நேற்றுடன் தேர்தல் பிரசாரம் ஓய்ந்தது. இந்தியா கூட்டணியில் இடம்பெற்ற ஹேமந்த் சோரனின் ஆளும் ஜார்க்கண்ட் முக்தி மோர்ச்சா கட்சி மீண்டும் ஆட்சியை பிடிப்பதில் தீவிரம் காட்டி வருகிறது.

ஹேமந்த் சோரன்  - சம்பாய் சோரன் 

சட்ட விரோதமாகச் சுரங்கம் குத்தகை எடுத்ததாகவும், அதன் மூலம் பண பலன்களை அடைந்ததாகவும் அமலாக்கத்துறை பதிந்த நில முறைகேடு தொடர்பான இரண்டு வருட பழைய வழக்கில் கடந்த மக்களவை தேர்தல் சமயத்தில் ஹேமந்த் சோரன் திடீரென கைது செய்யப்பட்டார்.

அந்த சமயத்தில் ஜார்கண்ட் முதல்வராக கட்சியின் மூத்த தலைவர் சம்பாய் சோரன் பணியாற்றினார். 5 மாதங்கள் கடந்த ஜூன் வாக்கில் ஹேம்நாத் சோரன் ஜூலையில் மீண்டும் முதல்வரானார். இதைத்தொடர்ந்து சட்டமன்றத் தேர்தல் சம்பாய் சோரன் கடைசி நேரத்தில் பாஜக பக்கம் தாவியது பெரும் பின்னடைவாகப் பார்க்கப்படுகிறது.

கூட்டணி 

கடந்த 2019 சட்டமன்றத் தேர்தலில் வெற்றி பெற்ற ஜார்க்கண்ட் முக்தி மோர்ச்சா, காங்கிரஸ் மற்றும் லாலுவின் ராஷ்ட்ரிய ஜனதா தள கூட்டணி மீண்டும் இந்த தேர்தலில் இந்தியா கூட்டணியாக களமிறங்குகிறது. அனைத்து ஜார்கண்ட் மாணவர் சங்கம், ஐக்கிய ஜனதா தளம், அனைத்து ஜார்கண்ட் மாணவர் சங்கம் ஆகியவற்றுடன் பாஜக களமிறங்குகிறது. சம்பாய் சோரன் சரைகேலா தொகுதியில் பாஜக வேட்பாளராக நிற்கிறார்.

பாஜக தேர்தல் வியூகம் 

இந்த தேர்தலில் பாஜகவின் முக்கிய பிரசாரமாக வங்கதேச ஊடுருவல், இஸ்லாமியர்களின் எண்ணிக்கை அதிகரிப்பு, லவ் ஜிகாத், லேண்ட் ஜிகாத் ஆகியவை பயன்படுத்தப்பட்டுள்ளது. அசாம் பாஜக முதல்வர் ஹிமாந்தா பிஸ்வா ஜார்கண்ட் தேர்தல் பொறுப்பு தலைவராக இந்த கருத்துக்களை தீவிரமாக மக்களிடையே பரப்ப முயற்சி மேற்கொண்டார்.

சட்டவிரோதமாக உள்ளே நுழைந்த வங்கதேச முஸ்லிம்களும், ஜார்கண்டில் உள்ள முஸ்லிம்களும் பழங்குடியின பெண்களைத் திருமணம் செய்வது லவ் ஜிகாத் என்றும் திருமணத்தின் மூலம் அவ்வாறு பெறப்படும் நிலம் லேண்ட் ஜிகாத் என்று பாஜக பிரசாரம் செய்தது. மத்திய அமைச்சர் அமித் ஷாவும் தனது பிரசாரங்களில் அதையே மீண்டும் மீண்டும் பேசி வந்தார். பாஜக ஆதரவு அல்லாத இந்துக்களைக் குறிவைத்து பதேங்கே தோ கதேங்கே [ஒன்றுபட்டால் பாதுகாப்பு தனியாக இருந்தால் வெட்டப்படுவீர்கள்] என்ற கோஷமும் பிரத்தமானதாக பாஜக மேடைகளில் ஒலித்தது. 

உத்தரப் பிரதேச முதல்வர் யோகி ஆதித்யநாத் உருவாக்கியவர் ஆவார். கோஷம் பிரதமர் மோடியாலும் மேடைகளில் உச்சரிக்கப்பட்டது. மகாராஷ்டிர தேர்தலிலும் இந்த கோஷமே பாஜகவால் முன்னிறுத்தப்படுகிறது. ஆனால் இது இந்து மதத்தினர் தாங்கள் ஆபத்தில் இருப்பதுபோன்ற போலியான பிம்பத்தை உருவாகும் உளவியல் தாக்குதல் என கார்கே உள்ளிட்ட எதிர்க்கட்சி தலைவர்கள் முன்வைக்கின்றனர். ஜார்கண்ட் இஸ்லாமியர்களுக்கு மட்டும்தான் சொந்தமா என்ற கேள்வியையும் யோகி பிரசாரத்தில் எழுப்புயிருந்தார்.

ஜார்கண்டில் முந்தைய தேர்தல்களில் பழங்குடியினரிடையே கிறிஸ்துவ ஆதிக்கத்தை முன்னிறுத்தி பாஜக தனது பிரசார வியூகங்களை வகுத்துச் செயல்பட்ட நிலையில் இந்த தேர்தலில் இஸ்லாமிய ஆதிக்கம் என்பதை நோக்கி பாஜக மக்களைத் திருப்பும் வியூகத்துடன் செயல்பட்டது. ஆனால் பாஜக கூறும் இஸ்லாமிய மக்களின் எண்ணிக்கை அதிகரித்தல் என்பதை நிரூபிக்கும் வகையிலான புள்ளிவிவரங்கள் எதுவும் இல்லை என எதிர்க்கட்சிகள் மறுக்கின்றன.

81 சட்டமன்றத் தொகுதிகள் கொண்ட ஜார்கண்ட் மாநிலத்தில் நவம்பர் 13 மற்றும் நவம்பர் 20 ஆகிய தேதிகளில் இரண்டு கட்டங்களாக வாக்குப்பதிவு நடக்கிறது. நாளை முதற்கட்ட வாக்குப்பதிவு நடைபெறவுள்ள நிலையில் நேற்றுடன் தேர்தல் பிரசாரம் ஓய்ந்தது. எனவே அரசியல் தலைவர்கள் இறுதிக்கட்ட பிரசாரத்தில் ஈடுபட்டனர்.

ஜார்கண்ட் மாநிலம் தால்தோன்கஞ்ச் உள்ளிட்ட பகுதிகளில் பிரசாரம் செய்த உ.பி. முதல்வர் யோகி ஆதித்யநாத், ஜார்கண்ட் முஸ்லிம்களுக்கு மட்டுமே சொந்தம் கிடையாது, லவ் ஜிஹாத், லேண்ட் ஜிகாத் மூலம் நம் மீது தாக்குதல் நடக்கிறது, நாம் ஒன்றுபட்டால்தான் பாதுகாப்பு, பிரிந்திருந்தால் வெட்டப்படுவோம் [batenge to katenge] என்று பேசினார்.

இதற்கிடையே காங்கிரஸ் தலைவர் மல்லிகார்ஜுன கார்கே ஜார்கண்டில் தனது பிரசாரத்தின்போது பேசுகையில், உண்மையான யோகி பதேங்கே தோ கதேங்கே என்றல்லாம் பேச மாட்டார்கள். அவர் ஆட்டுத் தோல் போர்த்திய ஓநாய் என்று யோகி ஆதித்யநாத்தை விமர்சித்தார்.

தொடர்ந்து பேசிய கார்கே, மோடி ஜி மக்களால் தேர்ந்தெடுக்கப்பட்ட அரசுகளைக் கவிழ்த்து வருகிறார். எம்.எல்.ஏக்களை ஆடுகளைப் போல் காசு கொடுத்து வாங்கி வரும், அவர்களை ஆட்டுமந்தையாகவே நடத்தி, அவர்க்ளுக்கு ஆகாரம் அளித்து கடைசியில் அவர்களை மோடி  விருந்தாக்குவார் என்று விமர்சித்தார்.

மேலும் அம்பானி, அதானி ஆகிய இருவருக்காகவே மட்டுமே மோடி - அமித் ஷா ஆட்சி நடத்துகின்றனர். இவர்கள் நால்வர் மட்டுமே நாட்டை ஆட்டிப்படைகின்றனர். வாயால் மட்டும் தேசபக்தியை பேசும் பாஜக நாட்டை பிளவுபடுத்தும் வேலையை செய்து வருகிறது என்று குற்றம்சாட்டினார் 

திருப்பதி:

ஆந்திர மாநிலத்தில் கடந்த சில மாதங்களில் 70-க்கும் மேற்பட்ட பெண்கள் சிறுமிகள் பலாத்காரம் செய்யப்பட்டுள்ளனர். சட்டம் ஒழுங்கு பிரச்சனை மோசமாக உள்ளதாக எதிர்க்கட்சிகள் கண்டனம் தெரிவித்து வருகின்றன.

இந்த நிலையில் ஆந்திர மாநில துணை முதல் மந்திரி பவன் கல்யாண் பித்தாபுரம் தொகுதியில் நடந்த நிகழ்ச்சியில் கலந்து கொண்டார்.

ஆந்திராவில் சட்டம் ஒழுங்கு மோசமடைந்து வருகிறது. இந்த சம்பவங்களுக்கு பெண் மந்திரி வாங்கலப்புடி அனிதா பொறுப்பேற்க வேண்டும். நிலைமை சீரடையவில்லை என்றால் உள்துறையை நான் எடுத்துக் கொள்வேன். உங்கள் பணிகளை நன்றாக செய்யுங்கள். இதே நிலை நீடித்தால் நான் முடிவு எடுக்க வற்புறுத்துவேன்.

நான் உள்துறை அமைச்சரானால் நிலைமை வேறுவிதமாக இருக்கும். மேலும் உளவுத்துறை அதிகாரிகள் இதற்கு பொறுப்பு ஏற்க வேண்டும்.

குற்றவாளிகளை தண்டிப்பதில் ஜாதி மற்றும் மதத்தை புறக்கணிக்குமாறு காவல்துறையிடம் கேட்டுக்கொள்கிறேன். குற்றவாளிகளுக்கு ஜாதியில்லை. எந்த மதத்தையும் அவர்கள் பின்பற்றுவது இல்லை.

சட்டம் ஒழுங்கு பிரச்சனையில் சரியான நடவடிக்கை எடுக்காவிட்டால் வெளியே செல்லும்போது மக்கள் திட்டுவார்கள். குற்றவாளிகள் மீது யோகி ஆதித்யநாத் பின்பற்றும் கொள்கையை ஆந்திராவிலும் பின்பற்ற வேண்டும். யோகி ஆதித்யநாத் போல செயல்படுங்கள்.

சிறுமிகள் பாலியல் ரீதியாக துன்புறுத்தப்படும் சமூக நல விடுதிகளை கண்காணிக்க வேண்டும்.

இவ்வாறு அவர் பேசினார்.

கூட்டணி கட்சியில் உள்ள பெண் மந்திரியை பவன் கல்யாண் தாக்கி எச்சரிக்கை விடுத்த சம்பவம் ஆந்திர அரசியலில் பரபரப்பை ஏற்படுத்தியது.

இதன் மூலம் தேசிய ஜனநாயக கூட்டணியில் விரிசல் ஏற்பட்டதாக சமூக வலைதளங்களில் கருத்து தெரிவித்து வருகின்றனர்.

ஆனால் இதற்கு தெலுங்கு தேசம் கட்சியை சேர்ந்த மந்திரி நாராயணா மறுப்பு தெரிவித்தார். எந்த ஒரு துறையின் செயல்பாடுகள் குறித்தும் கருத்து தெரிவிக்க முதல் மந்திரி, துணை முதல் மந்திரி ஆகியோருக்கு அதிகாரம் உள்ளது என்றார்.

பாஜகவை சேர்ந்த உத்தரப் பிரேதச முதல்வர் யோகி ஆதித்யநாத் இன்னும் 10 நாட்களுக்குள் தனது பதவியை ராஜினாமா செய்யவில்லை என்றால் கொலை செய்யப்படுவார் என்று மிரட்டல் விடுக்கப்பட்டுள்ளது. நேற்று [சனிக்கிழமை] பின்னேரத்தில் அடையாளம் காணப்படாத தொலைப்பேசி எண்கள் மூலம் மும்பை காவல் கட்டுப்பாடு அறைக்கு இந்த மிரட்டலானது வந்துள்ளது.

அதில், சமீபத்தில் மும்பையில் வைத்து அஜித் பவார் சிவ சேனா தலைவர் பாபா சித்திக் கொலை செய்யப்பட்டது போல் 10 நாட்களில் தனது முதல்வர் பதவியை ராஜினாமா செய்யவில்லை என்றால் யோகி அதித்யநாத்தும் கொலை செய்யப்படுவார் என்று மிரட்டல் விடுக்கப்பட்டுள்ளது.

இதனையடுத்து மிரட்டல் விடுத்தவர்களைக் கண்டறியும் பணியில் மும்பை போலீஸ் இறங்கிய நிலையில் மெசேஜ் அனுப்பிய தானேவை சேர்ந்த  24  வயது பெண் கைது செய்யப்பட்டுள்ளார். யோகி ஆதித்யநாத்தின் பாதுகாப்பும் அதிகரிக்கப்பட்டுள்ளது. சிறையில் இருக்கும் பிரபல ரவுடி லாரன்ஸ் பிஷ்னோய் - இன் கும்பல் பாபா சித்திக்கை அவரது எம்எல்ஏ மகனின் அலுவலகத்தின் முன் வைத்து கடந்த அக்டோபர் 12 ஆம் தேதி சுட்டுக் கொன்றது குறிப்பிடத்தக்கது. 

உத்தரப் பிரதேசத்தில் அரசுப் பள்ளி ஆசிரியர் குடும்பத்தோடு வீடு புகுந்து கொலை செய்யப்பட்ட சம்பவம் பரபரப்பை ஏற்படுத்தியுள்ளது. உ.பி மாநிலம் அமேதியில் பவானி நகர் பகுதியில் வீடு ஒன்றில் வசித்து வந்த அரசுப் பள்ளி ஆசிரியர் சுனில் குமார் [35 வயது], அவரது மனைவி பூனம் பாரதி மற்றும் இரு மகள்கள் வீட்டுக்குள் புகுந்த மர்ம நபர்களால் துப்பாக்கியால் சுட்டுக் கொலை செய்யப்பட்டனர்.

தனது குடும்பத்துக்கு சந்தன் வர்மா என்ற நபரால் அச்சுறுத்தல் இருப்பதாக மனைவி பாரதி ஒரு மாதத்துக்கு முன்பே போலீசில் புகார் அளித்திருந்ததும் தற்போது வெளிச்சத்துக்கு வந்துள்ளது. கடந்த ஆகஸ்ட் மாதம், உடல் நிலை சரியில்லாத தனது மகளுக்கு மருந்து வாங்குவதற்காக ரேபரேலியில் உள்ள மருத்துவமனைக்கு பாரதியும் அவரது கணவர் சுனில் குமாரும் சென்றுள்ளனர்.

மருத்துவமனையில் சந்தன் வர்மா என்ற நபர் தன்னிடம் தவறாக நடக்க முயற்சித்ததாக பாரதி தனது புகாரில் தெரிவித்துள்ளார். சந்தன் வர்மா என்னிடம் அத்துமீற முயற்சித்தபோது மறுத்ததால் என்னைக் கன்னத்தில் அறைந்தான், அப்போது அங்கு வந்த கணவரையும் என்னையும் சாதி பெயரை சொல்லி திட்டினான்.

நடந்ததைப் போலீசில் சொன்னால் குடும்பத்தே கொன்று விடுவதாக மிரட்டினான். எனவே எங்களது உயிருக்கு சந்தன் வர்மாவால் அச்சுறுத்தல் உள்ளது என்று SC/ST பாதுகாப்பு சட்டத்தின்கீழ் பாரதி கடந்த மாதம் போலீசில் அளித்த புகாரில் தெரிவித்துள்ளார். ஆனால் போலீஸ் அதை அலட்சியம் செய்ததாலேயே தற்போது இந்த கொலைகள் நடத்தக்கதாக கண்டனம் எழுந்துள்ளது. குற்றவாளிகள் இன்னும் கண்டறியப்படாத நிலையில் கொலைகளுக்கு விரைந்து நீதி வழங்கப்படும் என்று உ.பி முதல்வர் யோகி ஆதித்யநாத் தெரிவித்துள்ளார். 

ஜம்மு-காஷ்மீர் மாநிலத்திற்குச் சிறப்பு அந்தஸ்து வழங்குவதற்கான சட்டப்பிரிவு 370 கடந்த 2019-ம் ஆண்டு ஆகஸ்ட் மாதம் 5-ந்தேதி நீக்கப்பட்டது. அத்துடன் ஜம்மு-காஷ்மீர் மாநிலம் இரண்டு யூனியன் பிரதேசமாக பிரிக்கப்பட்டது. இது காஷ்மீர் மக்களின் நலனை பாதிப்பதாக எதிர்க்கட்சிகள் குற்றம்சாட்டி வருகிறன. இதற்கிடையே சிறப்பு அந்தஸ்து நீக்கப்பட்ட பின்னர் ஜம்மு காஷ்மீரில் முதல் சட்டமன்றத் தேர்தல் நடைபெற்று வருகிறது.

ஏற்கனவே இரண்டு கட்டங்களாக வாக்குப்பதிவு நடந்துமுடிந்த நிலையில் கடைசி மற்றும் மூன்றாவது கட்டத் தேர்தல் வரும் அக்டோபர் 1 ஆம் தேதி நடைபெற உள்ளது. இதனால் பாஜக, காங்கிரஸ் - என்சிபி கூட்டணி ஆகியவை பிரச்சாரங்களில் ஈடுபட்டு வருகின்றன. அந்த வகையில் உ.பி. மாநில பாஜக முதல்வர் யோகி ஆதித்யநாத் காஷ்மீரிலும் அரியானா சட்டமன்றத் தேர்தலுக்காகவும் பிரச்சார சுற்றுப்பயணத்தில் உள்ளார். இந்நிலையில் சட்டப்பிரிவு 370 நீக்கம் குறித்து ஆதித்யநாத் கருத்து ஒன்றை தெரிவித்துள்ளார்.

அரியவாவில் பரிதாபாத் நகரில் நடந்த பிரச்சார கூட்டத்தில் பேசிய அவர், கடந்த 2 நாட்களாக நான் ஜம்மு காஷ்மீரில் இருந்தேன். அங்கு மழை பெய்து கொண்டிருந்தது. எனவே நான் விமான நிலயத்தினுள் சென்றேன். அப்போது ஒரு மனிதர், 'யோகி சாஹேப் ராம் ராம்' என்று கூறி என்னை வரவேற்றார். அந்த மனிதர் ஒரு மௌலவி [இஸ்லாமிய மத போதகர்] என்று பின்னரே உணர்ந்தேன். ஒரு இஸ்லாமிய மத போதகரிடம் இருந்து ராம் ராம் என்ற வார்த்தைகள் வெளிப்பட்டது குறித்து ஆச்சர்யம் அடைந்தேன். சிறப்பு அந்தஸ்தை [சட்டப்பிரிவு 370 ஐ] நீக்கியதன் தாக்கமே இது. இந்தியாவின் இறையாண்மைக்கு அச்சுறுத்தலாக இருந்தவர்கள் தற்போது ராம் ராம் என்று சொல்லத் தொடங்கியுள்ளனர்.

பாஜகவின் வலிமையால் ஒரு நாள் அவர்கள் [இஸ்லாமியர்கள்] தெருக்கள் தோறும் ஹரே ராமா, ஹரே கிருஷ்ணா என்று கூட கோஷமிடுவார்கள் என்று தெரிவித்துள்ளார். யோகிஆதித்யநாத்தின் பேச்சைக் கேட்டு பிரச்சார கூட்டத்தில் இருந்தவர்கள் ஜெய் ஸ்ரீ ராம் கோஷங்களை எழுப்பினர். மேலும் உத்தரப் பிரதேசத்தில் கடந்த 7 வருடங்களாக எந்த போராட்டங்களும் கலவரங்களும் நடக்கவில்லை என்றும் யோகி தெரிவித்திருந்தது குறிப்பிடத்தக்கது. 

அயோத்தியில் பாபர் மசூதி  சிதைந்ததை போல காங்கிரசின் கட்டமைப்பு இன்று சிதைந்விட்டது என்று உ.பி முதல்வர் யோகி ஆதித்யநாத் விமர்சித்துள்ளார். அரியானா சட்டமன்றத் தேர்தலுக்காக அம்மாநிலத்தில் பாஜக வேட்பாளர்களை ஆதரித்து உத்தரப் பிரதேச முதல்வர் யோகி ஆதித்யநாத் தீவிர பிரச்சாரத்தில் ஈடுபட்டு வருகிறார்.

அந்த வகையில் இன்றைய தினம் பிரச்சாரம் ஒன்றில் பேசிய யோகி ஆதித்யநாத், இன்று காங்கிரசின் கட்டமைப்பு பாப்ரியை [பாபர் மசூதி] போல சிதைந்துவிட்டது. ராம பக்தர்கள் 'இன்னும் ஒரு அடி , பாப்ரியை [பாபர் மசூதியை] இடி' என்று கோஷம் எழுப்பியபோது மசூதி மொத்தமாக தகர்ந்தது. அடிமைத்தனத்தின் கட்டுமானம் உடைந்தது. அயோத்தியில் ராமர் கோவிலை எழுப்புவதற்கான பாதை வகுக்கப்பட்டது. இதை சொல்லவே இன்று நான் உங்கள் முன் [அரியானா மக்கள் முன்] வந்துள்ளேன். அவர்கள்[காங்கிரஸ்] சாதி அரசியல் மூலம் உங்களை பிரிக்கின்றனர்.

நான் சொல்வதெல்லாம் இதுதான், பிரிந்து கிடந்தால் தனித்தனியாக இருப்பீர்கள், ஒற்றுமையாக இருந்தால் எந்த தாய்க்கு பிறந்தவனாலும் உங்களின் தலை முடியைக் கூட அசைக்க முடியாது என்று தெரிவித்துள்ளார். மேலும் ராகுல் காந்தி நாட்டை இழிவுபடுத்தக் கிடைக்கும் எந்த வாய்ப்பையும் தவறவிடாமல் பயன்படுத்தி வருகிறார் என்று தெரிவித்துள்ளார்.

கடந்த 1992 ஆம் ஆண்டு டிசம்பர் 6 ஆம் தேதி இந்து விஷ்வ பரிஷத் உள்ளிட்ட தீவிர வலதுசாரி இந்துத்துவ இயக்கத்தினரால் அயோத்தியில் பாபர் மசூதி இடிக்கப்பட்டது. தொடர்ந்து அந்த இடத்தில் ரூ.1800 கோடி செலவில் பாஜக அரசின் முன்னெடுப்பினால் ராமர் கோவில் கட்டப்பட்டு கடந்த ஜனவரி மாதம் கும்பாபிஷேகம் நடத்தப்பட்டது குறிப்பிடத்தக்கது.

உத்தர பிரதேசம் மாநிலம் பக்ராயிச் மாவட்டம் வனப்பகுதியையொட்டி அமைந்துள்ள கிராமங்களில் ஓநாய்கள் புகுந்து மனித வேட்டையில் தொடர்ந்து ஈடுபட்டு வருகின்றன. ஓநாய்கள் தாக்குதலில் கடந்த 2 மாதங்களில் 8 குழந்தைகள் உள்பட 9 பேர் பலியாகினர். 36 பேர் படுகாயம் அடைந்தனர்.

ஓநாய்களை கூண்டு வைத்து பிடிக்க எடுக்கப்பட்ட நடவடிக்கை தோல்வியில் முடிந்தது. இந்த நிலையில் உத்தர பிரதேச முதலமைச்சர் யோகி ஆதித்யநாத் ஓநாய்களை சுட்டுபிடிக்க உத்தரவு பிறப்பித்துள்ளார்.

துப்பாக்கி சுடுதலில் நிபுணத்துவம் பெற்ற 9 குழுக்கள் வனத்துறை சார்பில் களம் இறக்கப்பட்டுள்ளன. மயக்க மருத்து கொடுத்து ஓநாய்களை சுட்டு பிடிக்க முன்னுரிமை அளிக்கப்படும். அது பயனளிக்காதநிலையில் அவற்றை சுட்டு கொல்ல அறிவுரை வழங்கப்பட்டுள்ளது.

இந்நிலையில், உத்தரப்பிரதேச அரசை விட ஓநாய்கள் அதி புத்திசாலிகளாக இருப்பதால் அவற்றை பிடிப்பது எளிதான காரியமில்லை அம்மாநில பெண் அமைச்சர் பேபி ராணி மவுரியா பேசியுள்ள்ளது சர்ச்சையை ஏற்படுத்தியுள்ளது.

இந்த விவகாரம் தொடர்பாக பேசிய அவர், "பல குழுக்கள் அமைக்கப்பட்டு ஓநாய்கள் தேடப்பட்டு வருகின்றன. நாங்கள் அவற்றைப் பிடித்து விடுவோம். ஆனால் ஓநாய்கள் அரசாங்கத்தை விட, புத்திசாலித்தனமாக இருப்பதால் பிடிப்பதற்கு நேரம் எடுக்கிறது. வனத்துறை அமைச்சர் தனிப்பட்ட முறையில் தேடுதலை மேற்பார்வையிட்டு வருகிறார்"என்று தெரிவித்துள்ளார். 

லக்னோ:

உத்தர பிரதேசம் மாநிலம் பக்ராயிச் மாவட்டம் வனப்பகுதியையொட்டி அமைந்துள்ள கிராமங்களில் ஓநாய்கள் புகுந்து மனித வேட்டையில் தொடர்ந்து ஈடுபட்டு வருகின்றன. ஓநாய்கள் தாக்குதலில் கடந்த 2 மாதங்களில் 8 குழந்தைகள் உள்பட 9 பேர் பலியாகினர். 36 பேர் படுகாயம் அடைந்தனர்.

ஓநாய்களை கூண்டு வைத்து பிடிக்க எடுக்கப்பட்ட நடவடிக்கை தோல்வியில் முடிந்தது. இந்த நிலையில் உத்தர பிரதேச முதல்-மந்திரி யோகி ஆதித்யநாத் ஓநாய்களை சுட்டுபிடிக்க உத்தரவு பிறப்பித்துள்ளார்.

துப்பாக்கி சுடுதலில் நிபுணத்துவம் பெற்ற 9 குழுக்கள் வனத்துறை சார்பில் களம் இறக்கப்பட்டுள்ளன. மயக்க மருத்து கொடுத்து ஓநாய்களை சுட்டு பிடிக்க முன்னுரிமை அளிக்கப்படும். அது பயனளிக்காதநிலையில் அவற்றை சுட்டு கொல்ல அறிவுரை வழங்கப்பட்டுள்ளது.